Jordmassar frå problem til ressurs

Bakgrunn for prosjektet er store utbyggingar til næring og bustadutbygging i Nordhordland som gjev mykje overskot av jord- og steinmassar som må handterast. Framover er det forventa fleire utfordringar knytt til utbygging i Mongstad-området og sørover. Kommunane har hatt ulike tilnærmingar for å løyse problemstillingare kring overskotsmassar, og det manglar ein felles forvaltningspraksis for å handsame dette på ein samfunnsgagnleg måte. For å finne felles løysingar ble det i 2015 satt i gang eit hovudprosjekt.

Hovudprosjektet har som mål å forbetre utnyttelsen av massar frå utbygging som ressurs til nytte for matproduksjon/landbruk og samfunn på ein måte som førebygg konfliktar med innbyggarane og miljøet. For å nå dette målet, har prosjektgruppa tatt utgangspunkt i tre strategiar:

• Erfaringsbasert rettleiar
  På bakgrunn av eksisterande kunnskap og utfordringar framover; er det eit mål å utarbeide ein rettleiar for massehandtering i regionen knytt til offentleg rettsleg handsaming. Prosjektgruppa er no stolte av å presentere rettleiaren: 
           «Jordmassar frå problem til ressurs – ta vare på matjorda». 
  Dette er ein erfaringsbasert rettleiar for offentleg forvaltning, og  byggjer på innspel frå ulike fagfelt i Nordhordlandsregionen, frå fylkeskommunen og  fylkesmannen, og dei lovverk og føresegner som ligg til grunn i offentleg forvaltning. Prosjektgruppa håper rettleiaren fell i «god jord» hos forvaltning  og at ein som sakshandsamer finn god hjelp og støtte i den! Les meir om denne her!
   
• Kurs og seminar
  Det har vore arrangert kompetanseoppbygging gjennom kurs for grunneigarar og entreprenørar og seminar for forvaltninga. Les meir om desse her!

• Kortfilmar med døme frå Nordhordland - på Nordhordland UNESCO Biosfæreområde sin YouTube-kanal 
  Kortfilmane trekker fram gode døme og erfaringar kring jordmassehandtering i Nordhordland. Fleire av bøndene i regionen har lang erfaring frå å ta imot overskotsmassar til forbetring av jordbruksarealet sitt. Dei har fleire gode døme for korleis ein kan handtere jord- og steinmassar på ein måte som tek omsyn til dyra, marka, samfunnet og miljøet.

  Sjå filmane :

  Jordmassar fra problem til ressurs: Gode døme fra Nordhordland - YouTube

  Jordmassar fra problem til ressurs: Ein pioner innan jordmassehandtering - YouTube

Norsk Landbruksrådgiving og NIBIO har utarbeida ei handbok retta mot bønder og entreprenørar i bruken av overskotsmassar til jordbruksformål, Handboka tek i større grad med grunnleggande kunnskap om jord og jordartar, i tillegg til tema som miljøhensyn og planlegging, etabliering m.m. Les meir og last ned handboka her!

Kontaktperson:

Tonje Husum Aarland - tlf.: 928 58 413  - tonje.husum.aarland@regionnordhordland.no

Sjå vår eiga trailer til prosjektarbeidet her:​ Film.mov