Følgjet frå den kinesiske ambassaden hadde berre tre ønskjer for vitjinga på vestlandet. Å besøke Fløyen og Bryggen var to av dei. Det tredje ønskje var å innta eit herleg måltid på Sansetunet, gardsrestauranten på landet. Sansetunet på Kårbø, Holsnøy, har etterkvart blitt viden kjend for god mat og stor gjestfridom.

 «Lev livet levande» er slagordet til Mobryggja, som ligg idyllisk til inst i fjorden i Modalen. Her er moglegheitene mange: mat og drikke i restauranten, overnatting i koselege leilegheiter, ulike lokalar til kurs og arrangement, kunstgalleri og eiga butikk med vakre kolleksjonar frå Island og Thailand!

På Midtre Tjore på Radøy, i eit fantastisk vakkert kulturlandskap, i eit sjarmerande gardstun ligg den vesle verksemda Tjore Gardsmat. Eigar og drivar, Bjørg Skarbø, starta forsiktig opp i 2002 og sel no varene sine som ‘hakka møkk’ på Bondens Marked i Bergen.

Pernillekafeen på Fedje ligg berre nokre få skritt frå ferjekaia. Bak disken finn du Hege Henne Aga, alltid like blid og tilstade for gjestane sine. På kjøkenet står mannen, Freddy Aga, og kokkelerar med gode råvarer og ei brennande interesse for god, skikkeleg mat.

Kjelstraumen Brygge er eit av fleire historiske vertshus i Nordhordland. Her har det vore gjestgjevarstad sidan 1610, med kongeleg bevillingsbrev; ein del av det store nettverk av handels- og gjestgjevarstadar langs kysten. Kjelstraumen ligg idyllisk til i Austrheim sin vakre skjergard. Kjelstraumen har alltid vore ein viktig møteplass langs den indre skipsleia, og opp gjennom historia har det, forutan gjestgjevarstad, vore handelstad, tingstad, smed, post, stoggestad for dampbåten og skysstasjon her.